პორტუგალია

პორტუგალია– მდებარეობს ევროპის სამხრეთ-

დასავლეთ ნაწილში პირენეის
 ნახევარკუნძულზე.  დასავლეთით
ესაზღვრება ატლანტის ოკეანე,
 ჩრდილოეთით და აღმოსავლეთით 
კი ესპანეთი. პორტუგალიას ეკუთვნის
 აზორის და მადეირას კუნძულები.
დედაქალაქი -  ლისაბონი
სახელმწიფო ენა -  პორტუგალიური
რელიგია - ძირითადი კათოლიციზმი
კლიმატი - სუბტროპიკული. ქვეყანაში
 რამდენიმე კლიმატური რაიონია:
ჩრდილო-დასავლეთის რაიონი წვიმიანია, თბილი ზამთრით და ხანმოკლე ზაფხულით; ჩრდილო-აღმოსავლეთის რაიონში ცივი და თოვლიანი ზამთარია და ცხელი ზაფხული; სამხრეთის რაიონი გამოირჩევა ნაკლები ნალექიანობით, მშრალი ზაფხულით და რბილი ზამთრით.
დრო - GMT + 0.00
ვიზა - შედის შენგენის ქვეყნების სიაში
ფულის ერთეული - ევრო

 


მადეირა

არქიპელაგი რომელიც შედგება

 მადეირასა და პორტუ-სანტუს

 კუნძულებისგან.
კუნძული გამოირჩევა უნიკალური

ბუნებით, სუფთა ჰაერით და ლამაზი

 პეიზაჟებით. კუნძულზე არ არის

პლიაჟები, სანაპიროები ძირითადად

 კლდოვანია, მაგრამ არის ბალნეოლოგიური

 ცენტრები და სპეციალური ოკეანეში

 ჩასასვლელი კიბეები

არქიპელაგის ძირითადი კურორტებია: ფუნჩალი და კუნძული პორტუ სანტუ.

ფუნჩალი - მადეირას დედაქალაქია ძველებური სასახლეებით და მოედნებით, თანამედროვე სასტუმროებით და მაღაზიებით.

პარკებით, ბაღებით და ვენახებით  დაფარული მონტეს  მთიდან ქალაქის ულამაზესი ხედი იშლება. ფუნჩალის დასავლეთ ნაწილში ბევრი 4-5 ვარსკვლავიანი სასტუმროა.

კუნძული პორტუ სანტუ მადეირასთან 40 კილომეტრშია განლაგებული. იქ მოხვედრა შესაძლებელია თვითმფრინავით  ან გემით, რომელიც ყოველ დილით მადეირადან გადის და საღამოს ბრუნდება.
პორტუ სანტუზე ძალიან სუფთა პლიაჟებია, ოქროსფერი ქვიშა კი თავისი სამკურნალო ეფექტით არის ცნობილი.
კუნძულზე მშრალი კლიმატია, ზღვაში ბანაობა მთელი წლის განმავლობაშია შესაძლებელი.
აქტიური სპორტის მოყვარულებს შეუძლიათ დაკავდნენ წყლის სპორტის სახეობებით.
ამ ადგილის ყველაზე ცნობილი ღირშესანიშნაობაა სახლი, სადაც ცხოვრობდა ქრისტეფორე კოლუმბი

პორტუგალიაში ძალიან ბევრი არქიტექტურული თუ ბუნებრივი ღირშესანიშნაობაა. ქვეყნის ცენტრალურ ნაწილში მდებარეობს პორტუგალიის ყველაზე მაღალი მთიანი მასივი. ეს ერთადერთი ადგილია პორტუგალიაში, სადაც შესაძლებელია სათხილამურო სპორტით დაკავდეთ.

პორტუგალიის ძირითადი კურორტებია: ლისაბონი, პორტო, ალგავრე (ფარუ, პორტიმაუში, ალვორი, ალბუფეირა, ვილამური, კარვეირო, კვინტა-დო-ლაგო), ეშტორილი, კაშკაიში,  მადეირა, აზორის კუნძულები